എന്തെരേലൊക്കെ കുത്തിക്കുറിക്കണതാ, അയലോക്കത്തെ അയമുട്ടി പറഞ്ഞമാരി ഇബടങ്ങനെ ഭാവന... ഹും..!! തന്നെ ഭാവന വെലസല്ലേ...  എല്ലാരും എന്തേലും മുണ്ടീം പറഞ്ഞും ഇരിക്കുമ്പം ഞാന്‍ ഒരാള്‍ മാത്രങ്ങനെ മുണ്ടാണ്ടിരിക്കണം എന്ന കേവല ചിന്തയാണ് “പറയാതെ വയ്യ” (മുണ്ടാണ്ടിരിക്കാന്‍ കയ്യൂല) എന്നും പറഞ്ഞ് ഇപ്പരിവാടി വീണ്ടും തുടങ്ങാന്‍ കാരണം, മുമ്പ് സ്വന്തായുണ്ടായിരുന്ന 2 ഏക്കര്‍ ബ്ലോഗ് ഭൂമി പണയം വെച്ച് തുടങ്ങിയ ഫോട്ടോഷോപി എന്ന നട്ടപ്പിരാന്ത് ലാഭത്തിലായ ശേഷം പഴേ കുടിലും കഴുക്കോലും എല്ലാം കൂടെ ദേ.. ഇവിടെ ഈ പറമ്പിലു വെച്ച്കെട്ടാനുള്ള പുറപ്പാടിലാണ് ഞാന്‍, ചുമ്മാ വേലിക്കെ നിന്നു എത്തി നോക്കാതെ ഇവിടെ വന്നു രണ്ട് ഓടെങ്കിലും എടുത്ത് തന്നു സഹായിച്ചിട്ട് പോ ന്റെ മാണിക്ക കല്ലേ. അപ്പം ഞാന്‍ തുടങ്ങുവാ, എന്നെ ഇതിനു പ്രേരിപ്പിച്ച  എന്റെ പ്രിയ സുഹൃത്തുക്കള്‍ നാമൂസിനും അയ്യോപാവത്തിനും എന്റെ  കഷ്‌ടകാലത്തില്‍ പങ്കാളീയാവാന്‍ ഞാന്‍  അവര്‍ക്കു കൂടെ ഒരു ഷെയര്‍ കൊടുത്താലോ എന്നു ചിന്തിക്കുന്നുണ്ട്. ഇതും ലാഭത്തിലാണെങ്കില്‍  ............................  ഹെന്റമ്മോ   ഞാന്‍ ചിലപ്പം വല്ല അഹങ്കാരിയും ആയിപ്പോകും. ഈ നിഷ്കളങ്കനെ നിങ്ങള്‍ ക്രൂശിക്കരുത്, അനുഗ്രഹിച്ചാലും.